A statua du purtu i Citraru

 

“Sumati oji Juri, t’e cujjiutu u sunnu stamatina, u gallu adi cantatu ggiani da nu bbellu pocu”

“Chi ura sunu?”

“I quattru, sbrigati s’ama jini a tajjiani l’acqua all’acquaru”

“Mu mi sumu, preparami na scutella i pani cuttu, attramenti ca mi lavu”

Sentivu i nonni mijia ca sbrajitavanu a prima matina, chilli grida m’avivanu cacciatu u sunnu. Mijjiu ca mi sumavu puru hijia, tantu u sunnu m’eradi passatu. Nanna stavadi cucinandu allu fucularu, na cunchetta nivura supra u tripunu

A fijjia du conti e u marinaru

 

Supra a costa da Scalìa edi arrivatu nu marinaru, stancu i sindi stani dintru u mari. Edi riccu, a stiva chjina i ricchizzi, ma edi sulu e bbellu cumu u suli. Sindi vadi passijiandu ppi i strati du pajisi, ppi truvani a paci dintru u cori sua; edi riccu ma tantu poviru, senza na fimmina ca sindi pijjiadi cura!

“Finalmenti signu turnatu ‘ntra terra mijia, anni e anni a navigari supra ssu bbarcuni, e muni puzzu sbarcani. Hajiu accumulatu tanti ricchizzi, ma cchi mindi fazzu si nun tignu u tesoru cchjiu grandi: na famijjia, na mujjiri e tanti figghji. Scalìa mijia, cumu sini cangiata, nun t’arricurdavu accussini bbella! L’ucchji mijia sunu chjini i chiantu, e u cori mijiu zumbadi forti da cuntentizza”