I jiditi i Gisù

I jiditi di Gisù
ruderi castello normanno

U fucu appicciatu dintru a cucinella, allu suffittu travi i livunu i cerza duvi eranu appicati i spichi du migliu. Fora facivadi friddu e chill’aria ghjacciata trasividi da chilla porticella vecchjia, ma u fucu si facivadi senta ‘ntra tutta a casa. Nannarella sindi stavadi assettata supra na seggicella, a vucca nu pocu aperta, sembravidi ca ridivadi, sindi stavadi senza parlani mentri tagliavidi cu nu curtilluzzu allimatu i fichi siccati ca pigliavidi a unu a unu da supra na cannizzella.

Hjia stava di frunti a illa, a ruppa i nuci e tagliani u citru a stozzarilli ca nonnò aviva purtatu da Diamanti, nu caru amicu sua c’aviva regalatu, cutu ‘ntra terra sua chjina chjina di chisti citri. Sumai nu pocu l’ucchji, nanna mi stavadi guardandu cu chill’ucchji ca ridivanu sempri.

“Ancora nun m’ha dittu chi c’hama fani cu tutti ssi fichi, u citru e i nuci”

“Eh! Ama preparani i crucetti, durci ca puni ‘ndi mangiamu u Santu Natali”

“Ma ssi fichi sunu piccirilli e siccati” l’hajiu dittu nu pocu arraggiata.

Illa s’e misa a rida ‘ntramenti mittivadi supra u tavulinu chillu curtillu piccirillu e ammulatu.

“I fichi amu cughjiuti ad agustu, l’amu misi supri i cannizzelle allu suli ppi i fani siccà. Sulu i chissu modu si cunzervanu ppi tantu timpu. Ci vonnu siccati  e ci vodi tantu timpu, ma ‘ndi validi a pena. Quandu ti mangi a vida cumu ti licchi i mustazzi, cu chillu sapuri duci duci”

“A mmia mi piaciunu frischi, quandu vajiu sutta a chjianta e ‘ndi pighjiu unu chjianu chjianu…”

“Sini, ma puru chisti, a vida quandu ti mangi cumu ci turni natru pocu a ti gupunjani”

Attramente parlavidi cu mmia, illa nun si fermavidi, lavuravadi cu chilli mani, ed hjia nun aviva mai vistu nissunu cu quanta passiuni ca ci mittividi pi tagliani chilli ficu a mitati.

“Passami i nuci e u citru, ti fazzu vida cumi si fadi. A vistu cumu hajiu apertu i fichi? Nun s’annu tagliani a mitati, ma s’annu lassani attaccati alla cudicina, picchini quandu i ‘mbracchiu e furmu a cruci nun s’annu spracchjià. Vidi bbunu, accussini dopu mi pu aiutani. ‘Ntru minzu da ficu si mittunu i nuci e u citru, dopu sicci mitta natra ficu i supra pi chiuda; cu natra ficu si formadi a cruci, sempri chjina cu nuci e citru e puni si chiudadi cu natra ficu. Pi chissu si chiamanu crucette”

“Hajiu vistu ohj na’, muni ti puzzu aiutani”

“A fani attenziuni, nun l’ani rumpa sinoni i cruci nun escjianu”

“Hajiu capitu, hajiu capitu!”

Chilli mani piccirilli, vitta vitta, maniavanu cu tanta primura chilli fichi, si sentivadi n’adduru duci; supra a purpa di fichi ci mittivadi i pizzarilli di nuci e citru e dopu i chjiudivadi cu natra ficu aperta a mitati. Pi fani ssi crucette ci vonnu quattru fichi siccati. L’ammaccavadi chjianu chjianu cu u parmu da manu pi nun li fani gapariri e puni i mittivadi dintru tanti tijielle.

“Vistu ca i fichi sunu superchjiati, putimu fani puru i tortanilli; piglia chilli rami i mirtua dintru chillu panaru e guarda bbunu”.

L’ucchji mia eranu cuntenti mentri guardavanu chilla nannarella minuta minuta, pi tutti chilli cosi ca mi stavadi ‘mparandu; nun eradi cosa i tutti i jiurni ‘mparani cu quantu amuri ca ci mittivadi pi preparani chilli durci c’ammia parivanu strani. Pigghjiavidi a unu a unu i ficu e l’infilavidi supra chillu ramu i mirtua, e tra i duji ficu ci mittivadi na fogghjia di mirtillu e dopu i chiudivadi rutundi cumu na curuna, facindu trasa u ramu dintru i ficu. Dopu di chissu i mittivadi dintru atri tijielle pi l’affurnà ‘ntru furnu a livuni ‘nzimi alli crucette.

dolci
crucette

“Mo camu finitu, attramente i crucetti e i tortanilli cocianu, ti puzzu cuntani natru fattu”

“Quali ohi na’, ‘ndi canusci tanti”

“Ah! Chistu edi anticu anticu, tramandatu di patri a figghjiu”

“Ma i fatti ca cunti tuni, sunu tutti vecchji, certi belli ma certi sunu brutti e tristi”

“Ah figghjia mia, edi cumu a vita, a vvoti edi bella atri voti edi amara”.

E mentri ca parlavadi, mittivadi supra na pala i livunu i tijielle dintru u furnu.

“Chistu fattu m’a cuntatu cummari Cuncetta, vena da Scalìa, nu paisi nun tantu vicinu, nun tantu luntanu. Illa m’a cuntatu ca dintru nu muru du castillu normannu c’edi na petra russa adduvi si vidanu stampati i jiditi di Gisù. A chilli timpi u Diavulu si vuliva pigliani l’anime di chillu paisi, jivadi jettandu u bandu prumittindu ricchizza e vita terna a chini l’adurava e  cumbattivadi cuntru u Signuri. Ma tutti i scalioti nun l’annu propriu sentutu e pi nun ceda allu Diavulu pregarunu e pregarunu finu a quandu Gisù, sentutu tutti chilli preghiere edi jutu pi l’aiutani. Sucutiò u Diavulu ca scandatu s’ammucciò pi sempri. Gisù pi nun lu fani turnadi a mmisu a manu supra chillu muru lassandu na ‘mpronta di quattru jidati ‘nsanguinati . M’a dittu cummari Cuncetta ca ancora goji, si ponu vida chilli jiditi supra chillu muru, ma hjia nun l’hajiu mai visti”

“Ohi na’, u sapimu ca cummari Cuncetta si sonnadi a notti chillu ca dicia u jiurnu”

“Chissu edi puru veru, ma figghjice’, tanti fatti sunu propriu veri. Passami a pala ca muni e cacciani du furnu i crucetti e i tortanilli prima ca s’abbrittanu”

“Signu propriu cuntenta, goji hajiu ‘mparatu tanti cosi”

“Eh figghjice’, a sapini na cosa, nun si finiscia mai d’imparadi. Mammarella mia mi dicivadi sempri: ‘mpara l’arti e mittila da parti ca nu jiurnu ti podi sempri serva”

calabrisandoblog@inesfavorita25aprile2019

ruderi castello
castello normanno

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...